Gale warning sa CamSur, lifted na; stranded passengers nasa 50 pa

NAGA CITY– Dawa mayo na nin nakataas na gale warning sa kadagatan na sakop kan Camarines Sur, halangkaw pa an numero kan mga stranded passengers sa Pasacao Port.

Sa entrevista kan Bombo Radyo Naga ki Petty Officer 1st Class Graciano Cañeba, sub-station commander kan PCG-Pasacao, sinaysay kaini na igwa pang 52 katao an nagtitinir sa pantalan mantang nagkapera an mga stranded passengers na nagbyahe na sana ‘by land’.

Sigun ki Cañeba, makusog pa an duros asin hukol sa kadagatan kaya dae muna naglarga an mga lunadan na pandagat na pasiring sa San Pascual, Masbate.

Mientrastanto, siniyerto ni Cañeba na kun magkalma na an kadagatan, tolos man nindang tutugotan na makabyahe an mga lunadan na pandagat.