Matinding schedule an pag-eeksperyensyhan kan Gilas Pilipinas sa ngunyan na bulan nin Pebrero antes na magsalang sa final window ng FIBA Asia Cup Qualifiers.
Posbleng magsairraom gikan sa pirang aldaw na training camp an Gilas Pilipinas sa Maynila antes na tumulak sa Pebrero 13 sa Doha, Qtaar tangani na magsalang man sa 2nd International Friendly Basketball Championship.
Mapuon an torneo sa Pebrero 14 hasta sa 16 na kun saen makakalaban kan Pinoy squad an Qatar, Egypt asin man Lebanon. Makalihis an Doha tournament, tulos na mabalik an Gilas Pilipinas sa Maynila.
Magpuon man Maynila, matulak liwat an Gilas Pilipinas sa Taiwan para sa enot na laban kaini sa FIBA Asia Cup Qualifiers final window. Nakatalaan an laban kan Gilas Pilipinas asin kan Chinese-Taipei sa Pebrero 20 sa Taipei, Taiwan.
Pagkatapos kaini, mapasiring man an Gilas Pilipinas sa Auckland, New Zealand para sa huring kawat kaini kontra sa Kiwis sa Pebrero 23.
Aminado si Cone na matindi an pagaagihan kan saiyang tropa. Alagad magayon na pagkakataon ini para sa Gilas Pilipinas na matuod soboot sa mga siring na klase nin sitwasyon na pwede nindang maeksperyensyhan sa mga masunod na laban.
Dae makakaiba kan Gilas Pilipinas si bigman Kai Sotto na presenteng nagpaparahay makalihis magsairarom sa operasyon sa saiyang torn ACL injury.
