Ikinaogma ni Gilas Pilipinas head coach Tim Cone an halawig na panahon kan ensayo ninda para sa FIBA Asia Cup 2025 na gaganapon sa Jeddah, Saudi Arabia.
Sigun ki Cone, na sa aldaw nin Lunes, Hunyo 30, pupuonan ninda an ensayo asin makalihis kaini, masagibo sinda nin training camp sa Pampanga.
An orihinal kaya na plano iyo sa Hulyo 27 pa alagad mawot ni Cone nin mas halabang ensayo para sa national basketball team.
Makakaibahan kaini na magbabantay sa ensayo kan Gilas iyo sinda Richard Del Rosario asin Sean Chambers.
Poporbaran nindang matapos nin hasta 18 ensayo na kinababalihan kan duwang beses sa sarong aldaw.
Mayo na man soboot magigin problema sa schedule kan mga overseas-based players na sinda Dwight Ramos, Carl Tamayo asin Kevin Quiambao.
