Nagpepreparar na an Gilas Pilipinas sa liwat na paghahampang ninda kan New Zealand Tall Blacks sa huring window kan FIBA Asia Cup 2025 qualifiers.
An mangagana kaya sa duwa iyo man an magpapahiling kun siisay an mangengenot na koponan sa Group B.
Parehas kaya na igwang apat na kapangganahan asin sarong daog an Gilas Pilipinas asin New Zealand.
An duwang koponan an parehas laog na sa FIBA Asia Cup na ikukundusir sa bulan kan Agosto sa Jeddah, Saudi Arabia.
Marurumduman, dinaog na kan nakalihis na taon kan Gilas an New Zealand sa score na 93-89 kun saen ini an maikokonsederar na dakulang kapangganahan kan national team makalihis na daugonn an ranked 22 sa bilog na kinaban.
