Nagin marahay an pagpupuon kan Gilas Pilipinas kan saindang training camp para sa third window kan 2025 FIBA Asia Cup Qualifiers.
Kan nakalihis na aldaw nin Martes, nagpuon an saindang pagsasanay sa Inspire Sports Academy sa Laguna.
Kabali sa pinagpreparan kan national basketball team iyo an exhibition games ninda sa Doha, Qatar. Nagkapira sa mga nag atendir sa nasambitan ng training iyo sinda Dwight Ramos, AJ Edu, RJ Abarrientos, Ralph Cu, Carl Tamayo, Kevin Quiambao.
Kabali man sa nag atendir sinda assistant coaches Sean Chambers asin Richard Del Rosario siringman si Alfrancis Chua.
Sa aldaw man kan Biyernes mapuon an friendly games mantang sa Pebrero 20 makakahampang ninda ang Chinese Taipei mantang an New Zealand man an sa Pebrero 23.
Marurumdumang sigurado na an paglaog kan Gilas Pilipinas sa FIBA Asia Cup na ikukundisir sa Saudi Arabia sa bulan kan Agosto makalihis na makua an 4-0 win-loss record sa Group B.
