Plano kan Gilas Pilipinas na magsagibo paramientras nin friendly games sa nasyon antes sinda na magsabak pasiring sa Jeddah, Saudi Arabia para sa FIBA Asia Cup 2025.
Pigsaysay ni Gilas Pilipinas head coach Tim Cone na pighahalat pa ninda an kumpirmasyon kan nagkapirang nasyon makalihis ninda ining mapadarahan nin imbitasyon.
Nakatalaan kaya na magpuon an FIBA Asia Cup sa Agosto 5 kun saen piglalaoman na matatapos an PBA sa Hulyo 27 kaya igwang panahon pa sinda para sa friendly game.
Importante an nasambitan ng friendly games komo parte kan preparasyon na man sa mga koponan na makakahampdang ninda sa FIBA Asia Cup.
Kan nakalihis na final window kaya kan Asia Cup Qualifiers sa Pebrero an mayo sindang kapangganahan asin igwang duwang daog kontra sa Taiwanese asin New Zealand Tall Blacks.
Enot digde, pigluwas na kan FIBA an opisyal na schedule para sa Asia Cup 2025.
Mapuon an laban kan Gilas Pilipinas kontra sa Chinese Taipei sa Agosto 6 pasado alas-2 nin mag-oomagahon.
Masunod na laban ninda sa Group D an world number 22 na New Zealand sa Agosto 7 pasado alas-11 nin bangi oras sa Pilipinas.
Huring laban kan Gilas sa group stage an laban sa Iraq Agosto 9 pasado alas-4 nin hapon.
