Target ni Gilas Pilipinas head coach Tim Cone na magkaigwa sinda nin mas kadakol na aldaw para sa pagpepreparar kan second window kan FIBA World Cup Asian Qualifiers.
Sigun ki Cone, na sa maabot na Pebrero 16, mapuon an saindang training camp.
Dugang pa kaini na sa inisyal na plano, isasagibo ini ngunyan na aldaw Pebrero 11 alagad nagkaproblema pa an nagkapirang mga schedule kan mga players.
Nagkapira sa mga pighahalat nindag parakawat na gikan pa sa liga sa Japan iyo sinda AJ Edu, Dwight Ramos asin Quentin Millora-Brown mantang an mga parakawat na gikan pa sa Korea iyo sinda Kevin Quiambao asin Carl Tamayo.
Igwang duwang kawat an Gilas na isasagibo sa nasyon na enot an Pebrero 26 kontra sa New Zealand mantang sa Marso 1 man an laban sa Australia na parehas na isasagibo sa Mall of Asia Arena.
