Igwang nakalatag nin contigency measure o security plan an gobyerno kun mangyari an worst case scenario sa parte kan West Philippine Sea (WPS) orog na ta padagos sa pagigin agresibo an China na mawot makarani sa BRP Sierra Madre Madre.
Nakapreparar an Armed Forces of the Philippines na ikasa an nasambitan ng security plan.
Sigun ki National Maritime Council Spokesperson Usec Alexander Lopez parte ini kan pinagpepreparan nindang worst case scenario kun nangahas an China na liwat ranihan an BRP Sierra Madre.
Pitawan duon man ni Lopez na mayong makakapugol sa Pilipinas sa ginigibong rotation and resupply missions para sa mga tropa sa BRP Sierra Madre.
Ipinunto ni Lopez na karapatan kan nasyon na ipagpadagos sana an rore missions .
Inihayag ni Lopez na malinaw na nakabugtak sa provisional understanding sa pag ultanan kan pilipinas asin man china na dae ninda dapat gambalaon, ulangan o kaya man ribokon an nasambitan ng rore missions.
Sa ngunyan 24 oras na nakabantay an mga tropa asin man pig-dodokumento an gabos ni hiro kan barko kan china asin chinese militia vessels sa West Philippine Sea.
