Nahahadit an gobyerno sa nagin epekto sa piglunsad na Long March 12 rocket kan China kasuarin sana, makalihis na magbagsak sa kadagatan kan Palawan na nasa laog kan Pilipinas.
Ini an basado sa iniluwas na pahayag ni Foreign Affairs Secretary Maria Teresa Lazaro.
Sigun ki Palace Press Officer USec. Claire Castro nangangapodan an Department of Foreign Affairs (DFA) sa iba pang mga nasyon na magin maingat sa saindang space activities.
Sinaysay ni Castro na basado sa pahayag ni Secretary Lazaro dapat magin responsable asin ikonsiderar an karapatan asin interes kan mga nasyon na maapektaran sa mga rocket launching activities.
Dugang pa kaini na pigpapaubaya na kan Malakanyang sa Philippine Space Agency asin iba pang mga ahensiya an pagkokomentar katakod sa mga technical asin safety matters kan isyu.
Pighayag pa ni Castro na basado sa nagin pahayag kan Philippine Space Agency na sa ngunyan mayong dapat ikahadit dapit sa mga debris na nagbagsak sa kadagatan kan Pilipinas.
