Nagpahayag nin pakikidumamay an Pilipinas sa Myanmar asin Thailand. Sinabi kan Department of Foreign Affairs (DFA) asin Department of Health (DOH) na andam tabangan kan nasyon an mga naireport na binawian nin buhay makalihis an makusog na linog na tumama sa central Myanmar kan nakalihis na aldaw nin Biyernes.
Sa report, nagtama an makusugon na linog sa central Myanmar kan Biyernes.
An pagyugo-yugo kan daga, nag abot hasta sa Thailand na nagparasay sa sarong piggigibong 30-storey building sa Bangkok.
Sigun sa United States Geological Survey (USGS), igwa nin kusog na 7.7 magnitude asin rarom na 10 km (6.2 miles) an nangyaring linog.
An sentro kan linog an nasa 17.2 km gikan sa syudad kan Mandalay, Myanmar na may populasyon na 1.5 milyon.
Mientrastanto, sinabi ni De Vega na pig kokontak na kan duwang embahada an Filipino communities tangani i-check an mga ini.
