Target kan Department of Agrarian Reform na matapos ngunyan na taon an pagtatao kan Certificate of Condonation sa mga paraoma.
Basado sa datos kan ahensiya, nagpakol na sa labi P10. 859 billion an kabilogang kantidad kan utang kan mga paraoma an napura kan nakalihis na taon.
Ini an huli na man sa padagos na paghihingowa kan administrasyon ni Pangulong Ferdinand Marcos Jr. na mapagian an buhay kan mga lokal na mga paraoma sa bilog na nasyon.
Sigun ki Agrarian Reform Secretary Conrado Estrella III, mapakol sa labi 230,000 na Certificates of Condonation an naitao kan gobyerno sa labi 198,000 na mga paraoma sa Pilipinas.
Soboot, ini an katampad kan labi 252,000 na ektarya kan agricultural land.
Ngunyan na taon an pigtatarget kan gobyerno na matapos an pagtatao kan labi 600,000 COCs sa mga paraoma.
