Piglinaw kan mga otoridad na dae nagsabog an Taal Volcano makalihis na manutaran an maitom na a-so gikan sa bulkan ngunyan na aldaw, Abril 1.
Napag-araman na igwa nin nangyari na grassfire sa parte kan Volcano Island na na-ireport kan DOST PHIVOLCS – Volcano Monitoring and Eruption Prediction Division (VMEPD).
Nanutaran ini sa rayong 400 metro gikan sa saindang pinakaharaning seismic station.
Nagtarabangan man Bureau of Fire Protection, Philippine Coast Guard asin Municipal Disaster Risk Reduction and Management Office-San Nicolas sa pag-aapula kan kalayo sa parte kan isla.
Pighali man kan mga lokal na otoridad an pagkahadit kan mga namamanwaan nin huli ta mayo ini nin epekto sa anuman na aktibidad kan aktibong bulkan.
