Makalihis an patara-tara sa UN, nakipagmiting si President Trump sa mga lider kan Greenland asin Denmark tanganing magpirma nin sarong makasaysayan na kasunduan sa seguridad.
Sinabi ni Trump na an kasunduan iyo an haluy nang pinagpaplanuhan asin ini mahatud ini sa sarong marahay asin matibay na relasyon sa halawig na panahon sa tulong mga nagkapirma.
Maski an Greenland sarong soberanong teritoryo, kabali ini sa Kingdom of Denmark, na primerong responsable sa mga usaping panluwas kaini.
Kaipuhan pa nin dakol na detalye manungod sa kasunduan, alagad sa saiyang talumpati sinabi ni Trump na an US makrear nin “duwang dakulang base militar” sa Greenland.
Sinabi ni Danish Prime Minister Mette Frederiksen na an bagong kasunduan masimbag sa mga pangangaipuhan sa seguridad kan US laban sa mga dayuhan na gustong magkaigwa nin puwesto sa isla, habang iginagalang an mga paninindugan asin karapatan sa lokal na pamamahala kan Denmark asin Greenland.Positibo man an reaksiyon ni Greenland Prime Minister Jens-Frederik Nielsen manungod sa kasunduan sa seguridad.
Sigon digdi, an pinirmahan sarong kasunduan na madara kan 1951 defence agreement pasiring sa 2026.
Mientrastnto, dai sinimbag ni Trump an pauruutrong mga hapot kan mga reporter manungod sa posibilidad na an kasunduan na dati kaining panukala na magin pagsasadiri kan US an Greenland—sarong panukala na tinanggihan kan Denmark asin Greenland.
