Nakalaaang mag-pulong an Greenland’s parliament tangani pag ulayan an mga huma ni U.S. President Donald Trump na sakupon an Arctic Island, sarong autonomous na region kan Denmark, komo simbag sa naglalalang geopolitical tensions na may kinaraman sa Russia asin China.
Sa sarong joint statement na iniluwas kan nakalihis na Biyernes, liwat pighurot kan mga lider kan limang political parties sa Inatsisartut (Greenland’s parliament) an kamawotan kan isla para sa sovereignty na nagsasayuma sa ideya na magin parte kan US o Denmark.
Soboot an Greenlanders an habo na magin Amerikano, habo man magin Danish, asin pighurot na: “we want to be Greenlanders.”
Enot nang ipinahayag ni Trump na dapat pagsasadiri kan U.S. an Greenland tangani malikayan an pagkakaigwa nin impluwensiya kan Russia o China sa isla.
Inakusaran man kan Amerika an kakulangan kan presensya kan militar kan US sa irarom kan sarong 1951 NATO agreement asin nagbanta na mahiro an U.S. dawa habo kan Greenlanders na pumasairarom sa Estados Unidos.
Sigun sa mga lider kan Greenland’s parliament, magigin madali an pagpupulong kan parlyamento tangani siertuhon an sarong patas asin masusing talakayan, kun saen an ‘Independence’ an magigin sentro kan pag-uulay.
Basado sa sarong 2009 agreement kan Greenland asin Denmark, may karapatan an mga Greenlandic people na magdesisyon para sa saindang kalayaan, alagad malinaw an posisyon kan mga lider na sinda an magdedesisyon kan saindang futuro nin mayong panghimasok kan mga dayuhan apwera sa sainda.
Pinag-batayan ninda an diplomatic dialogue basado sa mga prinsipyo kan international law asin an karapatan kan mga tao. Mayo pang sigurado na petsa dapit sa gigibuhong pagpupulong alagad nakatalaan ining isagibo sa Pebrero 3, 2026.
