Nanindugan an Cagayan de Oro City Rice and Corn Retailers Association asin United Market Vendors Association na dae garantisado na mababa an presyo kan bagas kun magpautob na nin 60-day import ban an gobyerno sa mga naglalaog na imported premium rice sa Pilipinas.
Sigun ki Engr. Franklin Dagcuta, Presidente kan nasambitan ng grupo, an balak na import ban, an posibleng magbusol sa mga presyo kan bagas na mas mag mahal pa kaysa magbaba.
Paliwanag kaini, amay na marhay an nagin pag-anunsyo kan import ban rason tanganing magkaigwa pa nin tyansa an mga retailers na markahan an saindang imbentaryo maski na binakal an mga ini sa mas hababang presyo pirang bulan na an nakalihis.
Dapat man muna soboot siertuhon kan gobyerno na igwang bastanteng buffer stock an mga supply kan bagas antes ipagbawal an importasyon kan mga ini sa nasuon.
Mientrastanto, marurumduman man sa nagin pagdangog sa senado kan Committee on Agriculture, Food and Agrarian Reform na pinangenotan ni Sen. Francis ‘Kiko’ Pangilinan, inihayag ni Department of Agriculture (DA) Secretary Francisco Tiu Laurel Jr. na ipapautob an 60-day import ban sa enot na aldaw kan Setyembre.
Piglalaoman na sa paagi kaini, matatabangan an mga lokal na paraoma na makapabakal kan saindang paroy asin makapabakal sa sarong marhay na presyo.
