Matinir an halangkaw na buying price kan National Food Authority (NFA) sa tahaw kan epekto kan mga bagyong nagtama sa nasyon ngunyan na cropping season.
Sa pag-asegurar ki DA Assistant Secretary Arnel de Mesa, importanteng gamiton an siring na buying price tanganing magkaigwa nin kompetisyon sa pagbakal nin lokal na paroy asin dae maaprobetsaran kan mga negosyante an kamugtakan kan mga lokal na paraoma na apektado kan sunod-sunod na kalamidad, kabali na an halawig na El Nino.
Sagkod na mayong pagbabago sa estratehiya sa pagbakal kan NFA, madagos an siring na pagpresyo.
Dugang pa kan opisyal na dae pa naubos an pondo kan NFA mantang igwa man nin natadang pondo kan nakalihis na taon na pwedeng magamit sa presente.
Base sa price range na ginagamit kan NFA, presko o basang bagas an binabakal poon PHP17/kg hasta PHP23/kg; PHP23/kg hanggang PHP30/kg para sa dry na paroy.
Sa ngunyan, pighihirahay man suboot an nagkapirang post-harvest facilities kabali na an mga warehouse, drying, asin milling facilities, para magamit sa bulk rice na binakal sa mga lokal na paraoma.
