Target ni Department of Transportation (DOTr) Secretary Vince Dizon na pahewason pa an operating hours sa Metro Rail Transit Line 3 asin Light Rail Transit systems.
Katakod kaini, plano kan sekretaryo na mag-commute mismo sa nasambitan ng mga tren siring kan saiyang ginibo sa EDSA Bus Carousel asin makikipag-ulay man soboot ini sa manlaen-laen na mga pamayon kan tren asin maintenance teams dapit digdi tanganing mahiling kun ano an problema.
Naenot na kayang sinaysay kan nakalihis na administrasyon kan DOTr na dae posibleng pahewason an operating hours kan mga tren huli ta posibleng makompormiso kaini an oras para sa maintenance kan rail systems na posibleng magresulta sa mga isyu sa pansaludo kan mga pasahero.
Alagad sigun ki Sec. Dizon, saiyang ikokonsiderar an gabos nin opsiyon tanganing gibuhon na mas marekas an pagbiyahe kan mg pasahero.
Hihilingon soboot kun kayang gibuhon na hasta sa midnight o hasta alas-2 nin mag-oomagahon an operating hours.
Sa presente, an huring biyahe sa LRT 1 asin 2 magin sa MRT-3 an bandang alas-9 nin pagkabanggi hasta alas-10 nin pagkabanggi alagad kadalasang ini-extend ini antes mag-hating gabi kapag holiday season.
