NAGA CITY- Irido an haros 15 persona makalihis na makasalpok an nilulunadan nindang pampasaherong bus sa sarong poon nin acacia sa barangay Alteza sa banwaan nin Sipocot, Camarines Sur.
Sa nakuang impormasyon kan Bombo Radyo Naga, napag-araman na binabagtas kan pampasaherong bus na minamaneho ni Rolando Abanes an kalabaan kan tinampo sa nasambitang lugar kan aksidente ining makabangga sa likudan na parte nin sarong truck na minamaneho ni Ariel Dumail.
Huli sa kusog suboot kan nangyaring banggaan, nawaran nin kontrol sa bus si Abanes asin nag-dire-diretso ini hasta sa dagos na nagsalpok sa poon nin acacia.
Nagsapo nin lugad sa saindang lawas an 12 mga pasahero kan bus kabale na an konduktor kaini asin si Gorge Pelaez na nakatindog sana sa lugar na tulos man naidalagan sa ospital para maipabulong.
Sa ngonyan,
nagpapadagos pa an imbestigasyon kan mga otoridad manungod sa nasambitang pangyayari.
