Haros kabanga na kan wildfire sa Eaton sa Altadena, California an natumtom na kan mga otoridad. Sigun sa mga otoridad na igwang 45% na an natumtom gikan sa 14,117 acres na sulo na nagpuon kan nakalihis na Enero 7.
Pigkumpirmar man kan mga otoridad na nasa 16 katawo na an binawian nin buhay sa 4,627 na mga istraturang nasulo kaibahan an mga kaharongan.
Abiso man kan National Weather Services na dae dapat magin kumpiyansa huli sa posibilidad na magdakula pa an kalayo bunsod kan makusog na duros na papaabot sa lugar.
Nagtitinir nakabantay pa man an mga otoridad sa California kontra sa mga residente na nagpupumirit na makabweltada sa saindang harong.
Marurumduman nasa 26 na katawo na an binawian nin buhay makalihis an 10 aldaw kan mangyari an kasulo.
