ARAM baya nindo mga ka-Bombo, nadukayan kan mga researchers sa Siberia, Russia an halos kumpletong bangkay kan sarong aking mammoth na pigkakarkulong labi 50,000 taon na.
Nadiskubre ini sa Batagaika crater na nasa 80 meters an rarom.
Igwa ini nin gabat na labi 110 kilos asin nakua gamit an sarong improvised stretcher.
Sigun sa mga mananaliksik, bakong karaniwan na nagtitinir na bilog an payo asin trunk kan mammoth makalihis magadan orog na ta kadalasang naeenot kakanon kan mga hayop o gamgam an mga parteng ini.
Kasuarin sana, nadukayan man sa Yakutia, Russia an 32,000-year-old na bangkay kan sarong sabretooth cat cub asin 44,000-year-old na bangkay kan sarong lobo.
