NAGA CITY- Nagbungkaras an kasulo sa nakadisplay na higanteng samhod sa banwaan nin Lagonoy,Camarines Sur.
Sigun ki SF03 Anthony Padua, Chief Operation kan Bfp Lagonoy, sinaysay kaini na igwa soboot nag-apod sa sainda na Police Officer, dapit sa nasambitan ng kasulo na tolos man na pigrespondehan kan saindang mga personahe.
Katakod kaini, pighihiling na electrical short circuit an rason sa pagbungkaras kan kalayo nin huli ta mayo man soboot witness o magpapatotoo na pigtuyong suluon an higanteng samhod na nakadisplay sa saindang banwaan.
Dugang pa kan opisyal, nagkundusir man sinda nin mapping sa lugar tangani man na masierto na mayo ng kalayo na natada na posibleng paggikanan nin kasulo pa.
Mientrastanto, liwat man nagpagirumdom si Padua sa publiko na sunudon an saindang mga piglatag na panundun sa kun papano makakalikay sa pagbungkaras nin kasulo siring na sana kan paghali kan mga nakasaksak na appliances sa harong tanganing dae mag-overheat asin manlaen-laen pa na paagi tanganing malikayan an insidente.
Sa ngunyan, pigsierto na sana ni Padua na yaon an saindang lado tanganing magresponde sa anuman na insidente orog na an magtabang sa pagtaraid na lugar sa oras kan emerhensiya.
