Hinahagad ni Senador Sherwin Gatchalian sa Department of Energy (DOE) na repasuhon an mga buffer stocks kan mga oil companies tanganing madeterminaran kun makatanosan an tulos na paglangkaw kan presyo kan lana sa merkado.
Nagkapirang mga kompanya nin lana an naglangkaw na nin presyo kasunod kan tensyon sa Middle East ngunyan na katapusan kan semana.
Sa kaaraman ni Gatchalian, an mga kompanya nin lana igwa nin 15 aldaw na buffer stock.
Kung ngunyan, dae pa pinapabakal an buffer stock sa merkado, dae na soboot pinalangkaw an presyo kan produktong petrolyo.
Hinahagad kan mambabatas sa DOE na hilingon kun igwang profiteering asin posibleng halangkaw an presyo kan old stock oil.
Hinahagad man ni Gatchalian sa DOE na repasuhon an mga kargamento kan mga oil companies na naglalaog sa nasyon huli ta sinda an may records tanganing maaraman kun buffer stock pa ini o bagong abot na petroleum products asin gasolina an ipinapabakal ngunyan sa nasyon.
