Nagpaluwas an Department of Labor and Employment (DOLE) nin panundunan sa sahod para sa mga pista sa Disyembre.
An Bisperas kan Pasko (Disyembre 24) asin Bisperas kan Bagong Taon (Disyembre 31) an special non-working days.
Enkaso dae nagtrabaho an empleyado, “no work, no pay” an ipapautob apwera kun may panundon o kasunduan an kumpanya. An trabaho sa mga aldaw na ini an may dugang na 30% sa basic wage para sa primerong walong oras.
An sobra sa walong oras an may dugang na 30% kan hourly rate. Kun an special day an kasabay kan rest day kan empleyado, 50% an dagdag sa basic wage sa primerong walong oras, asin man 30% para sa overtime.
An Aldaw kan Pasko (Disyembre 25) asin Aldaw ni Rizal (Disyembre 30) an regular holidays.
Makakaresiber an empleyado nin 100% kan sahod dawa na dae magtrabaho, basta nagtrabaho o naka-paid leave ini antes an holiday.
An trabaho sa regular holiday an may 200% kan daily wage para sa primerong walong oras; an sobra sa walong oras an may dagdag na 30% kan hourly rate.
Kun an regular holiday an kasabay kan rest day, may dagdag na 30% kan 200% rate sa primerong walong oras asin 30% sa overtime.
