Pigtawan-duon kan pamayuhan kan Embahada kan Pilipinas sa nasyon kan Israel na mayo pang ibang trabaho na pigtutugotan kan Israel para sa mga Pinoy apwera sa home-based Filipino caregivers asin hotel workers.
Basado sa iniluwas na advisory kan embahada, alinsunod ini sa nag-iiral na Bilateral Labor Agreements sa tahaw kan duwang nasyon.
Boot sabihon, sa ngunyan dae pigtutugotan an pagha-hire nin mga obrero sa manlaen-laen na sektor siring kan construction, agriculture, asin service.
Piglinawa man kaini na nagpapadagos an negosasyon sa tahaw kan duwang nasyon para sa mga nabanggit na sektor.
Katakod kaini, sulamenteng mga recruitment agency sana na pinagkalooban nin lisensiya kan DMW an pwedeng mag-recruit asin magpadara nin mga obrero sa nasambitan ng nasyon.
Mayo man pundong pagiromdom an ahensiya sa publiko na magin mapanuri sa mga nagtatangro nin trabaho online tanganing dae mabiktima.
