Inihayag ni Senate Deputy Majority Leader Risa Hontiveros kan nakalihis na Lunes na nagtitinir ining bukas sa pagdalagang Presidente o Bise Presidente sa eleksiyon sa 2028 kun ini an mawot kan nagkakasararong oposisyon.
Ipinunto ni Hontiveros na kaipuhang itangro sa mga mamamayan an sarong makusog asin credible na kandidato.
Kan haputon kun si dating Vice President asin incumbent Naga City Mayor Leni Robredo an pigsasaalang-alang pa man komo standard bearer kan oposisyon para sa 2028 national polls, sinaysay ni Hontiveros na bakong importante an mga indibidwal na pangaran sa puntong ini, basta gabps kan nasa oposisyon an makakaiba.
Sinaysay pa ni Hontiveros na pag-iisipan man kan saindang kampo an posibilidad kan mga grupong maka-Marcos na makipag-koordinar sa oposisyon antes an eleksiyon.
