Papalagan ni Senadora Risa Hontiveros kun igwang magsunad nin mosyon sa plenaryo kan Senado tanganing ipabasura an impeachment case kontra ki Vice President Sara Duterte.
Sigun sa senadora, nagtitinir na premature o mayo pa sa tamang panahon kun tulos na pagbobotohan an motion to dismiss sa mga pigsunad na articles of impeachment kontra ki VP Sara.
Alagad maski malinaw na tututulan kaini kun igwang magsunad nin mosyon tanganing i-dismiss an mga reklamo, habong pangenotan ni Hontiveros an posibilidad na igwang senador talagang matindog asin masunad kaini sa Agosto 6 – an nakapagkasunduang aldaw kan mga senador tanganing pag-ulayan an nagin desisyon kan Korte Suprema katakod kan articles of impeachment.
Mientrastanto, igwang naglilibot na draft resolution sa Senado na obhetong linawon an magigin kasimbagan kan institusyon sa dessyon kan Supreme Court katakod sa impeachment case kontra sa Bise Presidente.
Sigun ki Hontiveros, nagpirma ini sa nasambitan ng resolusyon, kaibahan an tolo pang senador.Para ki Hontiveros, mas marhay kun hahalaton muna kan Senado an motion for reconsideration na isusunado kan Kamara, pati na man an magigin desisyon kan Korte Suprema dapit digde.
Igwang soboot posibilidad na baliktadon kan Korte Suprema an saindang naenot ng desisyon kun maisusumiter kan Mababang Kapulungan an motion for reconsideration.Karaniwang common sense o makatuwiran sana, sigun sa senadora, na halaton an lakdang kan Kamara asin an magigin desisyon digde kan Korte Suprema antes maggibo nin anumang pinal na lakdang an Senado.
