Nagapelar si Senate Committee on Women and Children Chairman Senadora Risa Hontiveros sa mga awtoridad na aktibong makipag-tabangan sa mga international counterparts tanganing maibwelta si Cassie Li Ong sa Pilipinas.
An pahayag ni Hontiveros makalihis mapag-araman na nakalaya ini asin huring nanutaran sa Japan.
Si Ong an authorized representative kaan POGO firm na Lucky South 99 sa Porac, Pampanga. Saro man ining incorporator kan Whirlwind Corporation, an kumpanya na nag-lease kan daga sa Lucky South 99.
Pigtawan duon ni Hontiveros, na iyong nagbusol kan imbestigasyon katakod sa POGO, na dapat makabwelta nin nasyon si Ong asin kahampangon kaini an hustisya.
Sigun pa sa Senadora, dae pupwedeng mayong paninimbagan si Ong huli ta an kaso kaini may kinaaraman sa human trafficking asin bako sana basta minor traffic viollation na pupwedeng palampason.
Dugang pa kan senadora, dapat na man kanselaron kan gobierno ang passport ni Ong asin iba pa kaining kasabwat, huli ta bako ining turista.
