Malugod na inako kan House prosecution team an desisyon kan Supreme Court na ibasura an mga petisyon na nagkukuwestiyon sa interpretasyon kan Senate Impeachment Court sa two-thirds voting requirement para sa conviction ni Vice President Sara Duterte.
Segun ki Bicol Saro Party-list Rep. Terry Ridon, malinaw na an direksyon kan paglilitis asin dapat nang ipagpadagos kan impeachment court an proseso sagkod sa paghatol, conviction man o acquittal. Sinabi man ni Akbayan Rep. Chel Diokno na premature an pagdara sa SC kan usapin bago magkaigwa nin pinal na desisyon an impeachment court.
Sinabi nina prosecution spokespersons Robert Ace Barbers asin Zia Alonto Adiong na makakatabang an ruling tanganing maipagpadagos asin makumpleto kan prosecution an presentasyon kan saindang ebidensya asin paghapot sa mga testigo.
Iginiit ni Ridon na dapat magdanay na nakasentro an paglilitis sa ebidensyang ipinapahiling sa mga senator-judges. Suboot, pabayaan nang matapos an impeachment trial asin an Senate Impeachment Court an magdesisyon base sa mga ebidensyang nasa atubangan kaini.
