Plano kan House Prosecution panel na i-subpoena si Bise Presidente Sara Duterte tanganing piriton siyang magtestigo sa pagpresentar nin ebidensya sa impeachment article na may relasyon sa mga alegasyon nin grabeng pananakot, segun sa abogado kan mga piskal na si Atty. Lorna Kapunan.
Sinabi kan abogado na an prosekusyon na mawot na magsangat nin kahagadan para sa subpoena sa laog kan 11 aldaw nin paglilitis na itinagama para sa pagpresentar nin ebidensya para sa Article 4.
Segun kay Atty. Kapunan, an nasabing kahagadan isasangat sa Martes susog sa prosedimiento kan korte asin isasabay sa mga legal memoranda gikan sa depensa asin prosekusyon.
Sinabi ni Trial Presiding Officer Francis Escudero sa piskalya na siya an madesisyon sa nasabing kahagadan sa oras na pormal nang i-file kan panel an kahagadan sa written motion.
Segun man ki prosecution legal spokesperson Atty. Benjamin Tolosa na kun apudon an bise presidente tanganing magtestigo, posibleng dae na sana malimitahan an testimonya kan bise presidente sa grave threats article.
