Naglalaom an House prosecution panel na maotob ni Bise Presidente Sara Duterte an saiyang promesa na dae siya malikay sa ley asin lugod gagamiton an available legal remedies.
Ini an sinabi kan House prosecutor asin Bicol Saro Party-list Rep. Terry Ridon makalihis na magpaluwas nin arrest warrant an Quezon City Regional Trial Court Branch 98 kontra ki VP Duterte huli sa grave threats case na isinangat kan National Bureau of Investigation.
Tinawang-duon ni Ridon na an warrant dae nangangahulugan na guilty si VP Duterte sa kaso envez saro ining pagkakataon na magpresentar asin magdepensa sa korte.
Piglinaw man ni Ridon na an impeachment proceedings sarong separadong proseso nin accountability siring sa itinalaan kan konstitusyon.
Segun ki Ridon, dae dapat tulos husgaran an mga nabanggit na separadong proseso kan korte asin an impeachment court.
