Nagpatanid an grupo kan Houthi kan Yemen na bobombahon ninda an mga military vessel kan Estados Unidos sa Red Sea kun padagos na makikiaram an mga ini sa sigalot kan Iran asin Israel.
Ini an pigkumpirar kan tagapagtaram kan militar kan Houthis, soboot an anumang tabang kan Amerika sa Isreal an pigkokonsiderar na agresyon asin bako soboot ninda ining palalampason.
An nasambitanng huma an nangyari makalihis an ika-siyam na aldaw kan rinayan kan pambobomba kan Israel asin Iran, sa ibong kaini an nag-iiral na ceasefire kan Mayo sa pag-ultanan kan Estados Unidos asin Houthis kun saen padagos na naglala an tensyon.
Mientrastanto, enot nang nagbanta si U.S. President Donald Trump sa posibilidad kan pag-atake sa Iran, mantang nangangapodan an mga opisyal kan Israel na nagbali an Amerika sa pagsusurog kaini.
Nagpatanid man an Iran na aatakehon an mga base militar kan Amerika sa Middle East kun enkaso makiaram ini sa giyera.
