Naglala pa an peligro kan taggutom sa Gaza huli sa padagos na pagpundo sa humanitarian aid, kaibahan an pagkakan, dara kan nag-iiral na blockade.
An bilog na 2.1 milyong populasyon kan Gaza an naka-eksperyensiya nin matinding kakulangan sa pagkakan, kun saen haros kabangang milyon an nasa kritikal na kamugtakan kan gutom, malnutrisyon, helang, asin peligro kan kagadanan.
Sigun sa pinakabagong pagsusuri kan Integrated Food Security Phase Classification (IPC), 3/4 kan populasyon kan Gaza an nasa “Emergency” o “Catastrophic” na lebel kan kawaran nin bastanteng nutrisyon.
Puon kan blockade kan Marso 2, 2925, 57 kaakian an naireport na nagadan huli sa epekto kan malnutrisyon, asin piglalaomang malangkaw pa an numero na ini.
Nangapodan an World Health Organization (WHO) sa pagtatao nin tabang, pagtatapos kan blockade, asin proteksiyon sa salud tanganing malikayan an naglalalang krisis sa Gaza.
