Aram baya nindo mga ka-Bombo na nakaguno nin pansin an mga humanoid robot sa Consumer Electronics Show (CES) 2026 sa Las Vegas makalihis na ipahiling kan manlaen-laen na kumpanya an marekas na pag-uswag sa ladangan kan robotics asin artificial intelligence (AI).
Saro sa mga tampok na exhibit an humanoid robot kan Galbot na idinisenyo tanganing magamit sa mga retail environment.
Sa mga isinagibong demonstrasyon, ipinahiling kan robot an kakayanan kaining magkua nin mga produkto gikan sa mga estante makalihis na magbugtak nin order an mga customer gamit an sarong iPad.
Apwera digde kaya man soboot mag-operate kan robot sa manlaen-laen na industriya na dae nangangaipuhan ng kontrolon kan tawo.
Sigun pa sa organizer kan event na igwang nagkapirang exhibitor man soboot na nagpabistado kan humanoid robots na kayang magsayaw asin mag-arog kan hiro kan tawo.
Pira sana ini sa husay kan pag-uswag kan teknolohiya sa robot pati na man an advanced AI asin reasoning capabilities kaini sa pakikipag-koordinar sa mga tawo.
Sa ginanap na CES 2026, pigkonsiderar an mga humanoid robot komo malinaw na simbolo kan padagos na integrasyon kan artificial intelligence sa pang-araaldaw na trabaho, libangan, asin interaksiyon kan tawo.
