Iniluwas na kan Department of Budget and Management (DBM) an huring balanse kan health emergency allowance para sa mga healthworkers na nagsirbi kan nakalihis na COVID-19 pandemic kan nakalihis na 2021 hasta 2022.
An nasambitan ng kantidad an nagsasakop sa 1,411,546 claims gikan sa nasambitan ng taon na pighahalat kan mga Local Government Units (LGU), private health facilities, state universities asin nagkapirang institutions sa manlaen-laen na rehiyon.
Sinaysay ni Budget Secretary Amenah Pangandaman na naaprubahan na an special allotment release order (SARO) kan Department of Health (DOH).
Kinua an pondo gikan sa Strengthening Assistance for Government Infrastructure and Social Programs (SAGIP) sa mga irarom kan mga unprogrammed appropriations kan 2025 national budget.
Ini na an huring parte kan Public Health Emergency Benefits and Allowances (PHEBA) na obligasyon kan gobyerno.
Pig-enkaminar kan sekretaryo an DOH na tulos na iheras an PHEBA sa mga health sectors workers sa orog na marekas na panahon.
