Mahigot na pinahimutikan ni Lanao del Sur 1st District Representative Zia Alonto Adiong an pahayag ni VP Sara Duterte na an pigsunad na impeachment complaint kontra sa saiya an politically motivated.
Basado sa nagin pahayag ni VP Sara target kan saiyang mga kalaban sa pulitika na ini an i-eliminate dahil nin huli ta ini an 2028 presidential contender.
Sigun ki Adiong an nasambitan ng pahayag kan Bise Presidente an sarong panglilihis sa totoong isyu na accountability.
Ipinunto ni Adiong na bakong lisensiya an pagigin frontrunner tangani maggibo nin krimen o magbalgar sa Konstitusyon.
Enot ng inakusaran ni Duterte an mga lehislador na nag aako nin kwarta komo compensation sa saindang suporta sa impeachment complaint.
Pig apod ni Adiong na sarong malisyoso an nasambitan ng pahayag kan Vice President asin man insulto sa kada miyembro kan Kamara.
Hurot ni Adiong dapat simbagan ni VP Sara an mga alegasyon kontra sa saiya orog na an salang paggamit sa confidential funds, pagtaong huma sa buhay kan Presidente kan nasyon asin an saiyang involvement sa state-sanctioned killings.
Pig inkaminar ni Adiong si VP Sara na atubangon an proseso nin may dignidad asin dae pag ilihis an mga siring na isyu.
