Naisunad na kasubangong aga Pebrero 2, 2026 an impeachment complaint kontra ki Vice President Sara Duterte sa Office of the Secretary General kan House of Representatives.
An reklamo an pigsunad kan Makabayan bloc katakod kan soboot iregularidad sa paggamit kan confidential funds kan saiyang opisina.
Sigun ki Renato Reyes Jr. kan Makabayan, obheto kan lakdang na panimbagon an mga opisyal na nagbabalgar sa tiwala kan publiko.
An isyu sa confidential funds an haloy nang kontrobersyal puon pa kan 2023, kan mabuyagyag an P125 milyong na pigbalyo gikan sa Office of the President pasiring sa OVP.
Kan 2025, sarong impeachment complaint kontra ki Duterte an pigbasura huli sa constitutional bar na nagbabawal sa labi sarong impeachment proceeding sa laog nin sarong taon.
Ngunyan makalihis an nasambitan ng one year bar, liwat na naisunad an reklamo na piglalaoman na magigin sentro kan labing diskusyon sa Kongreso.
Sa kabilugan, nagtitinir na huma sa administrasyon an isyu kan confidential funds, kasabay kan promesa kan Makabayan bloc na ipaglalaban an transparency asin paninimbagan sa gobierno.
