Pigreport kan Bureau of Plant Industry (BPI) an pagluya kan importasyon nin bagas sa nasyon, sa ibong kan implementasyon kan Executive Order 62 na nagpapababa kan taripa na pigsisingil sa mga imported na bagas.
Basado sa datos kan BPI, 56,073 metriko tonelada sana nin bagas an na-importar kan mga negosyante sagkod sa kabangaan kan Hulyo. An mga ini pig-angkat sa paagi nin 15% na taripa.
Ini mas hababa nanggad sa average na bulanan na pag-angkat kan importasyon poon Enero sagkod Hunyo na 400,000 MT.
Pig-eksplikar man ni Department of Agriculture (DA) Assistant Secretary and spokesperson Arnel de Mesa paliwanag na posibleng padagos na pigluluwas kan mga importers an saindang stock na dating binakal sa 35% na taripa.
Pwede man suboot ining gibuhon antes pa maglaog nin bagas na babakalon sa mas hababang taripa.
Piglalaoman na madugangan an volume kan bagas na malaog sa Pilipinas ngonian na Agosto asin sa mga masunod na bulan, asin posibleng magkawsa ini nin dakulang epekto sa retail price kan bagas sa merkado.
