NAGA CITY- Nagkaigwa nin pagbabago sa pigsusunod na calendar of activities kan Department of Education Naga huli sa sunod-sunod na mga Bagyo na naeksperyensiyahan.
Sa entrevista kan Bombo Radyo Naga ki Dr. Susan S. Collano, DepEd- Schoools Naga Division Superintendent, sinaysay kaini na sainda na soboot na compute an kabilugang numero kan suspension nin klase kun kaya nagsagibo naman nin mga paagi tanganing mapanuan ini.
Sigun sa opisyal, magkakaigwa nin make up classess an mga estudyante asin iba pang modalities tanganing makarecover sa nawarang aldaw.
Katakod digde, nagpaluwas nin memorandum an Regional Office na kun saen nakapalaog na an InService training kan mga paratukdo an isasagibo na sa February 3-7, 2025 alagad ipapautob man an blended modalities.
Marurumduman na ngunyan kutang taon isasagibo an nasambitan ng INSET alagad huli sa panlalamasa kan bagyo asin kaipuhan na maipadagos an in person classess kun kaya pig-schedule ini sa masunod na taon.
Dugang pa kan opisyal, an Christmas break kan mga estudyante an parehas sana man alagad igwang pig-schedule na duwang Saturday sa December para sa make up classes.
Apwera digde, mababago man an November 25-29 school calendar komo pag-utob sa sa nasabitan ng lakdang.
Sa ngunyan, hagad na sana kan opisyal an kooperasyon kan gabos na mga estudyante, mga magurang,paratukdo para sa ikakarahay kan sektor nin edukasyon.
