Mahampang na sa 78th edition kan NBA finals an Oklahoma City Thunder asin Indiana Pacers sa maabot na Hunyo 6.
Enot nakalaog sa finals an Thunder kan daugon ninda an Minnesota Timberwolves sa Game 5 kan Western Conference Finals.
Mantang an Pacers an inilampaso sa Game 6 an New York Knicks.
Igwang kabilogang 80 kapangganahan asin 18 daog ngunyan na season an OKC kun saen na-sweep sa Round 1 playoffs an Memphis Grizzles, mantang nalusutan ninda sa Game 7 an Denver Nuggets sa Round 2.
Mantang an Pacers an dinaog ninda sa round 1 an Milwaukee Bucks sa limang kawat, pag-abot sa round 2 an nilampaso ninda an Cleveland Cavaliers.
Kan nakalihis na 1979 nasa Seattle Supersonics pa an OKC, nagkampeon sinda kontra sa Washing Bullets asin ini na an pang-limang beses na umabot an koponan sa Finals.
Mantang an Indiana Pacers, dae nagkaigwa nin Championship trophies sa saindang prangkisa kun saen ini an panduwang pagkakataon na nakalaog sinda sa Finals na an enot kan nakalihis na 2000 kan daugon sinda kan Los Angeles Lakers.
Ipinag-orgulyo ngunyan kan OKC si Shai Gilgeous-Alexander na iyo an enot na point guard na nanggana nin Most Valuable Player sa Western Conference kasunod ki Russel Westbrook.
Igwang average points ini na 32.7 kada kawat sa regular season, 6.4 assists, limang rebounds, 1.7 steals asin sarong block.
Mantang sa Pacers, sierto na ipapantapat ninda si Tyrese Haliburton na igwang average na 18.6 points, 9.2 assists, 3.5 rebounds asin 2.1 steals asin block kada kawat.
Sa duwang pagkakataon na nagkahampang an duwang koponan sa regular an kapwa nakua kan Thunder an kapangganahan.
