Manageable pa man giraray maski bahagyang naglangkaw an headline inflation sa 1.4 porsyento kan nakalihis na Hunyo gikan sa 1.3 porsyento kan nakalihis na Mayo.
Laog pa man giraray ini sa pigkakarkulong sakop kan Bangko Sentral ng Pilipinas (BSP).
Sa enot na anom na bulan kan 2025, nagtitinir sa 1.8 percent an average inflation o mas hababa sa target na 2 hasta 4 na porsyento kan gobyerno.
Nagbaba an food inflation huli sa baratong presyo kan gulay asin bagas, na pigpapatatag kan mas marhay na produksiyon asin mga lakdang kan gobyerno.
Naglangkaw man an non-food inflation dara kam paglangkaw kan gastos sa paharong, tubig, kuryente, gas, asin iba pang fuel.
Nagtitinir na parehas an bulanang inflation sa 0.2 percent asin an core inflation sa 2.2 percent sa ika-apat na sunod-sunod na bulan.
Piglalaoman na mababa pa an inflation sa 2025 antes magbweltada sa target na lebel, mantang padagos an BSP sa pagtataguyod kan matatag na presyo para sa panghaluyang pag-uswag kan ekonomiya.
