Pigheras kan aktor na si Inigo Pascual an saiyang mga naagihan sa saiyang pagtrabaho para sa sarong Hollywood series na igwang titulong Monarch.
Sigun ki Inigo, labi soboot an saiyang nerbyos na namatean nin huli ta sa Estados Unidos dae pwedeng magdara nin road manager o handler mismong an mga artist sana an pigsusundo asin pigtutugutan sa set.
Alagad sa ibong kaini, dakula man an pasasalamat kan aktor nin huli ta maboot asin marhay man an nagin trato sa saiya kan saiyang mga nakaibahan sa trabaho.
Mientrastanto, pigsaysay man kan aktor na padagos an saiyang pag-auditions nin huli ta nagdadara soboot ini dakulang satisfaction sa saiya komo sarong artist na mag-agi sa pagsakit antes na maabot an minamawot sa buhay.
An Monarch an pinaka-enot na International Acting Project ni Inigo kun saen piggagampanan kaini an papel na Ace.
