Pinapaboran kan Department of Education (DepEd) an mas istratehikong 2026 budget tangani suportaran an Inclusive Education programs, na nakatuon sa mga estudyante na may kakundian, katutubo, asin kajovenang nasa peligro.
Sigun ki Education Secretary Sonny Angara, saro sa pangenot na obheto kan DepEd asin ni Presidente Marcos an siertuhon na gabos an igwa nin pantay na oportunidad sa edukasyon.
Para sa 2026, an Special Needs Education (SNED) an nakakaresiber nin P1.04 bilyon, an Alternative Learning System (ALS) an P897 milyon, an Madrasah Education Program ay P521.62 milyon para sa 194,355 na Muslim learners, asin an Indigenous Peoples Education (IPEd) ay P154 milyon para sa 482,329 na katutubong estudyante.
Padagos man an DepEd sa pagtutok sa ALS, na nagtatao nin panduwang pagkakataon sa edukasyon.
Sa pakikipagtabangan sa UNICEF, poco mas o menos 400 ALS learners an nakatapos nin Micro-Certification Program, na nagbubukas nin mas kadakol na oportunidad sa trabaho asin kabuhayan.
Apwera digde, nakipag-partner an DepEd sa Special Olympics Pilipinas tangani ibusol an inklusyon kan mga indibidwal na may intellectual disabilities sa paagi kan sports programs.
