Mamundong pigheras ni Jeraldine Blackman, sikat na personalidad sa social media an pagsusuwayan ninda kan agom kaining si Josh Blackman.
Sa Instagram post ni Jeraldine kan Biyernes, pigheras kaini an mamundong bareta asin pigsaysay an pagsusuwayan nindang mag-agom alagad matinir sindang mag-amiga asin magko-co-parent sa saindang mga aki na sinda Jette asin Nimo.
Nagpasalamat man ini sa mga nagsuportar sa saindang pamilya asin naghagad nin tawad sa dae piglalaoman na pangyayari.
Bistado kan mga netizens an Blackman family komo sarong family content na nakabase sa Sydney, Australia, asin nagin bistado sa internet huli sa saindang mga nakakaogmang mga content.
Pigbilog ini ninda Josh, sarong Australian daddy, Jeraldine, sarong Filipina mommy, asin an saindang duwang aki na sinda Jette asin Nimo.
