Inaprubaran kan Bangsamoro Board of Investment (BBOI) an nasa P4 bilyong kantidad nin investments ngunyan na taon.
Sigun ki BBOI chairperson Mohamad Omar Pasigan, naabot kaini an target ngunyan na taon sa pagkakaaprubar sa duwang bagong investments sa agrikultura asin real estate na nagkakantidad nin P800 milyon, na isinairarom sa deliberasyon kan agency board sa Davao City kan nakalihis man n Hulyo 28.
Dae sana soboot ini nagin trayumpo BBOI, kundi pati sa bilog na Bangsamoro. Sigun ki Pasigan, labi an saindang pasasalamat sa mga nagin investors asin stakeholders sa labing pag tubod, asin nagtinir na committed sa pag tulod kan Amana (responsibility) na pigtiwala sa sainda tangani magkriar nin competitive, inclusive, asin man investor-friendly rehiyon sa gabos.
An mga bagong investment an sa coconut industry sa Maguindanao del Sur asin man mass housing sa Maguindanao del Norte.
Dugang pa ni Pasigan na an mga proyektong ini an nilalaomang ibibilog kan 230 trabaho na direktang mag-aambag sa economic inclusion asin man regional development.
Kan nakalihis na bulan nin Abril, nairehistro an investments kan BBOI sa P3.2 bilyon, lampas sa P3 bilyong target para sa 2025.
Ikinaogma man ini ni Chief Minister Abdulraof “Sammy Gambar” Macacua asin sinabing ink an makusog na sinyales na an Bangsamoro region an ngunyan nahihiling na komo viable asin man trusted investment destination. Pinapatunayan ninda na sa paagi kan moral governance komo pundasyon, napapatunayan an katrangkiluhan asin pag uswag na kayang magpadagos dagos pa.
An nasambitan ng trayumpo an parte kan saindnag economic jihad – sarong matuninong na huma na maiangat an buhay kan lambang tawo sa sainda sa paagi man kan tapat na pag governar asin man sustinableng pag uswag.
An Bangsamoro Autonomous Region in Muslim Mindanao (BARMM) an itinatag kan nakalihis na Enero 2019 kasunod kan ratipikasyon kan Republic Act 11054 o Organic Law for the BARMM, o bistado man komo Bangsamoro Organic Law (BOL).
