Nakatalaang imbestigahan na kan House of Representatives an soboot iregularidad kan Prime Water. Ini an makalihis isunad kasuodma, Hunyo 3, 2025 ni Zambales Rep. Jay Khonghun an House Resolution 22 na nag-eenkaminar na imbestigaran kan Kamara an mga reklamo katakod sa mga iregularidad sa Joint Venture Agreements (JVAs) na linaog kanbmga local water districts asin Prime Water Infrastructure Corporation.
Sigun ki Khonghun na an tubig an buhay, asin bako sanang negosyo, kaya marapat na maibusol an mag mahigot na regulasyon sa mga piglalaog na joint venture kan mga local water districts tanganing maprotehiran an publiko gikan sa bakong marhay na serbisyo.
Piglinaw man ni Khonghun na an pag-iimbestigar sa Prime Water an mayong halong politika huli ta ini an local issue na haloy na man pigpo-problema kan saindang mga kababayan.
Naglalaom an mga lehislador na sa gigibuhong investigation in aid of legislation, maaraman kun ano an nangyari kun tano dae nasunod kan Prime Water an parte ninda sa kasunduan na makapagtao nin marhay na serbisyo kan tubig asin ano an mga ley na pwedeng ipasar o amyendahan tanganing dae na mautro an siring na sitwasyon.
Mayo man sindang nahihiling na problema maski pa igwa nang isinagibong imbestigasyon kan Local Water Utilities Administration o LWUA asin presenteng pinag-aadalan kan Office of the President.
