Nagribayan nin mga missile asin airstrike an Iran asin Israel kan nakalihis na Sabado, sarong aldaw makalihis ilunsar kan Israel an mahewasang air offensive kontra sa haloy na kaining kaiwal.
Sa nasambitan ng pag-atake, binawian nin buhay an nagkapirang commanders asin scientiest, asin binomba an mga nuclear site kan Iran na sigun sa pahayag, parte kan obheto kaining pugolan an pagbilog nin atomic weapon kan nasambitan ng nasyon.
Pigtawan-duon ni Israeli Prime Minister Benjamin Netanyahu na an isinagibong mga pag-atake kan Israel an nakapagpaluya sa nuclear program kan Iran, asin pwedeng mapauktaba ini nin pirang taon.
Pig-omaw ni U.S. President Donald Trump an mga pag-atake kan Israel kontra sa Iran, asin nagpatanid nin mas matinding lakdang kun dae tulos aakuon kan Iran an dakulang pagbawas sa saindang nuclear program — sarong kondisyon na haloy nang pigtatawan-duon kan Estados Unidos sa mga ulayang diplomatiko na lugid liwat puonan ngunyan na semana.
Sigun sa duwang opisyal kan Estados Unidos, an United States, komo primerong kaalyado kan Israel, nagtabang sa pagpapabagsak kan mga missile kan Iran.
Nagpromesa an Iran na ini an mabalos sa malupit na opensiba kan Israel kan nakalihis na Biyernes, kun saen naraot an pamayuhan kan nuclear asin militar kan nasyon asin nadanyaran an mga atomic plants asin base militar.
