Pinalibre na kan Israel an 90 Palestinian detainees gikan sa Ofer Military Prison komo parte kan kasunduan sa pagriribyan nin mga bilanggo sa Hamas.
Nagtipon an mga Palestinian sa Beitunia, harani sa Ramallah tanganing sabataon an mga detainee.
Alagad naglangkaw man an tensyon kan magpaputok nin tear gas asin sound bombs an mga soldados na Israeli.
An mga pinalibreng detainees, kabali na an 69 na kababaihan, walong menor de edad na lalaki, asin 12 kalalakihan na nahatulan huli sa mga magian na krimen an dinara sa paagi kan bus na pinoproteheran kan International Committee of the Red Cross (ICRC).
An nasambitan pa na lakdang an komo karibay kan tolong Israeli na kababaihan na pinalibre man kan nakalihis na aldaw.
An mga Izz ad-Din al-Qassam Brigades kan Hamas an naghatod nin mga Israeli detainees sa sarong Red Cross team, na nagmarka kan enot na yugto kan casefire asin kasunduan sa pagriribayan nin mga bilanggo.
