Isyu kan nawawarang mga sabungero, posibleng dangugon kan House Quad Committee

Plano kan House Quad Committee na magpadagos ngunyan na 20th Congress.

Sigun ki Manila 6th district Rep. Benny Abante, saro sa posible nindang dangugon iyo an isyu kan mga nawawarang sabungero na soboot itinapok an mga lawas sa Taal Lake.

Paliwanag ni abante, masasakop kaya ini kan extrajudicial killings o EJK na pigpuonang imbestigaran kan Quad Comm sa nakalihis na 19th Congress.

Binanggit ni abante na posibleng imbitaran ninda komo resource person an whistleblower sa kaso na si Julie Patidongan alyas “Totoy” siringman an negosyanteng si Atong Ang.

Si Ang an pigtutukdong mastermind sa kaso na saiya man na maduon na pigpahimutikan.