Pigheras kan Hong Kong-born singer-songwriter na si Jackson Wang na mabweltada ini sa nasyon ngunyan na bulan nin Nobyembre para sa bagong world tour.
Sa saiyang X account, an 31 anyos na aktor pigbuyagyag an saiyang mga plano para sa nagdadangadang na “Magicman 2” world tour, kabali na an show kaini sa nasyon, sigun ki Wang, bako sana soboot ini basta concert kundi sarong makabuluhan na eksperyensya.
Mapuon an nasambitan ng world tour sa Bangkok sa bulan nin Octobre na susundan man sa ibang Asian cities, asin iba pa. An tour gikan sa pangaran kan album ni Jackson na “Magicman 2,” na pigpaluwas kan nakalihis na Hulyo.
Marurumdumang nagbisita si Jackson sa Manila kan nakalihis man na Disymbere 2022 komo parte kan lineup sa Head In The Clouds music festival.
Pagkatapos kan karera komo sarong competitive fencer, nag-debut si Jackson kan nakalihis man 2014 komo miyembro kan K-pop boy band na GOT7. Dae naghaloy, nagtatag na man kan sadiri kaining record label na Team Wang.
