NAGA CITY– Dagos nang binuwag kan Laguna Provincial Jail an binilog na trustee program makalihis magluwas sa CCTV footage na an pigkakatiwalaang tao sa laog kan selda an nasa likod kan pagdurulag kan anom na mga inmates.
Sa entrevista kan Bombo Radyo Naga ki Rommel Palacol, head kan Laguna Action Center, sinaysay kaini na kasabwat sa pagdurulag kan nansambitan ng mga preso an trustee kan nasambitan ng pasilidad.
Sigon ki Palacol, naka-assign an nasambitan ng trustee sa pagbubukas kan gate kan nakaaging Domingo.
Sa sainda soboot na ginibong evaluation asin pag-replay sa CCTV footage kasabay kan ipinautob na emergency meeting kan provincial administrator na si Atty. Dulce Rebanal, nahiling soboot digdi na may kinua an nasambitan ng trustee sa hampangan kan gate asin tulos na inilaog sa saiyang bulsa.
Pagkatapos kaini, sunod na nakipag-ulay an trustee sa tolo sa anom na mga preso asin may inabot digdi na garo bayad soboot sa saiyang serbisyo antes magkakasunod na nagruluwas an mga preso asin tinutukan nin badil an mga jailguards.
Sigon ki Palacol, posibleng nagkaigwa nin armas an mga pugante sa tabang kan nasambitan ng trustee.
Sa ngunian, mas pinahigot an security measures sa nasambitan ng kulungan mantang binabantayan naman kan tracking team an mismong pamilya kan nasambitan ng mga preso.
